Dílaskarfur
Þegar maður skoðar dílaskarfa í návígi er ráðlegt að standa fyrir framan þá. Annars er hætt við skarfarnir gefi skít í mann. Þessar myndir voru teknar á Álftanesinu.
Á Íslandi
Maríuerla
Maríuerla með góðgæti í gogginum. Maríuerlan lifir aðallega á fiðrildum, bjöllum og tvívængjum. Veiðir ýmist dýr á flugi eða tínir þau upp af jörðinni og á það til að tína dauð skordýr af grillum og stuðurum bíla. Vetrarstöðvar hennar eru í Vestur-Afríku.
Auðnutittlingur
Þótt fjárans veira fólkið þjái,
ferlegar kreppur okkur hái
og frostið úti fugla hrjái
finnur hann mat á hverju strái
Kría
Það er ekki heiglum hent að stunda fuglaljósmyndun. Hér ræðst kría á ljósmyndara við Skálanes á Seyðisfirði.
Straumönd
Straumönd stingur sér í straumharða Vestdalsá, á móti hvítfyssandi iðunni. Straumöndin er einkennisfugl Seyðisfjarðar; harðgerð og hraðfleyg, með afbrigðum sundfim og öldungis óhrædd við að berjast á móti straumnum. Þegar hún mætir andstreymi sér hún tækifæri til að kafa eftir æti.
Hávella
Hávella í lendingu. Hávellan verpur aðallega á hálendinu, en einnig við sjávartjarnir og vötn á láglendi. Karlfuglinn gefur frá sér hávært jóðl en kvenfuglinn lægri hljóð. Myndin var tekin á Seltjarnarnesi, nálægt Gróttu, þar sem hávellur eru algengar á veturna.